De Wienachtsma brucht ganz dringend eusi hilf! Das hend eus sini Wichtel verzellt wo sie eus go abhole sind. Ihm isch’s gar nöd guet gange und will ja scho gli wienachte isch und d’Wichtel d’vorbereitige für d’wienachte nöd allei schaffed simmer nätürlich go hälfe. Am gliche abig no hämmer zum de Wienachtsma chli ufmuntere es paar lieder gsunge und es het so usgseh, als öb euse plan funktioniert aber wo mer denn last christmas gsunge händ isch de Wienachtsma brüelend weg grännt. I de Nacht sind mer den vo de Elfe gweckt worde will de Wienachtsma nöd het chöne schlafe. Mir händ eus den entschiede mit ihm zämme use in Schnee gah zum e paar spielii spille das er nacher besser schlafe cha. Am nächste tag hämmer ganz vill Wienachtlichi Sache bastlet und au guelzli bache zum die Wienachtlichi stimmig echli zwecke. Leider het au das nöd so ganz funktioniert und de Wienachtsma isch immerno sehr schlächt glunt gsi. Mir händ den spöter use gfunde, dass im letschti wienachte s’Herz broche worde isch und händ drum am abig es paar vo sine Kollege i glade. De Schmuzli, de Zuckerma, D’Zahfee und de Osterhas sind alli verbie cho. Am Wienachtsma isch’s ändlich wieder besser gange und het den wider glücklich chöne sine Ufgabe als Wienachtsma nah gah. Mer munkled das er sich sehr guet mit de Zahfee verstande het.
Fotos
