Kategorie: Chlawe

Mir hend es Meitli troffe wo ois ihre Adventskalender zeigt. De het eigentlich 24 Wiehnachtsgschichte drin, aber öppis isch komisch. Die erste zwei Gschichte hend gar nüt mit Wiehnachte ztue gha. S’Meitli ladet ois ich zum s Wuchenend bi ihre z’verbringe und
det acho het ois ihres Mami d Gschicht verzellt und mir hend chönne beruhigt is Bett gah.
Aber zmitzt ich de Nacht simmer wider ufgweckt worde… D’Geschichte sind klaut worde und mir hend grad no de Ihbrecher gseh wie er sich vom Balkon abseilt. Mir hend d Gschichte wider zrugg welle, hend aber nur die dritti Gschicht becho, wo ois en Ort beschriebe worde isch. Am nächste Morge hemmer de Ort und au die det versteckti Chiste gfunde wo au alli andere Gschichtli drin gsi sind. Mir hend sie aber nüm chöne entziffere will sie öpper zerstört het. Drum hemmer beschlosse de Adventskalender vom Meitli selber z befülle. Bim uffüle hemmer bemerkt, dass die Vierti gschicht doch nöd verschwunde gsi isch, und langsam aber sicher hemmer gmerkt dass alli Gschichte wahr worde sind. Nach em Überraschigsbsuech vom Samichlaus hemmer alli Gschichte umgschriebe, sodass mir hend chöne de Dieb ahlocke. Bim Brunch am nächste Morge hemmer denn die noii erst Schicht verzellt, de Dieb isch cho und mir hend müsse gege ihn kämpfe. Er het ois denn verzellt, dass er de Adventskalender bastlet gha het wo er es Chind gsi isch, und dass alli Gschichte immer wahr werdet. Drumm het er sie welle chlaue, dass am Meitli nüt schlimms passiert. Zum Glück hemmer am Meitli chöne helfe ihri Adventsziit verschönere all die schlimme Sache verhindere!

Mir werded uf e Tour innere Manderinlifabrik iglade. Det hemmer di Agstellte und de Boss kenne glernt. Am Abig het eus en verzwiflete Samichlaus aglüte. Er het e schlechti lieferig Manderinli becho und vermuetet das e Sabotage dehinder steckt. Er bittet eus um eusi Hilf und frögt eus öb mir eusi Auge und Ohre offe bhalte chönd zum usefinde was ich dere Fabrik so lauft. De Direkter het aber euses Telefonat belauscht und entfüehrt drum es Paar vo eusne Chind.

Am nächste Tag schaffemer, tarnt als mitarbeitende,  ide fabrik und merked wie komisch det alles zue und her gaht. Mier motivieret die agstellte zstreike und seged mier höred nöd uuf bis de Dierektor netter isch und de Samichlaus sini guete Manderinli bechunt. De Direktor git nah und stimmt eusne forderige zue. Spöter isch de Samichlaus no verbi cho und het de Abig mit aus verbracht. Am gliche abig het eus de dierektor gstande dass er das alles nume gmacht het will er erpresst worde isch!!! Erpresst het ihn e Persimonfabrik wo wott das d chind mehr Persimon essed und nüme so viel Manderinli.

Am letschte Tag simmer id Persimonfabrik und hend de Besitzer gsuecht. Nach uu langem bespreche und diskutiere het au er igseh das es nöd so fair gsi isch was er da gemacht het. Nach dem mir das riise durenad hend chöne löse simmer zfriede abgreist und hend öppis us eusem Samichlaussäckli gesse.