Shoppingcenter Pfila 2024

Es stat ganz kritisch um euses gliebte Lagerhuus im Appezell, das erfahremer vode PBS. Sie seged eus das s`Lagerhuus dur es shoppingzenter ersetzt werde sött, natürlich lönd mier eus das nöd gfalle und mached eus sofort uf de Weg. Scho vo witem gsend mier Absperige und en huufe Baumaterial. Mier münd so schnell wie möglich öpis unterne, also hemmer en Beschwerdebrief gschribe, de chömmer aber leider erscht am mäntig ireiche, wills Gricht am Wuchenend zue hed… Will mier aber trotzdem de Bau wend ufhalte, hemmer alles mögliche probiert, mier hend d`bauplän klaut, sie gfältscht, und zum d`Bauarbeiter vo ihrere Arbeit ablenke hemmer sie sogar dezue überredet mit eus id Badi z`cho 🙂  Weg all eusne Aktione sind den aber d`Architekte ziemlich hässig worde und hend eus paar Chinder klaut, mit vil Glück hemmer die denn alli mit eme neue Name zrugg eroberet. Und endlich isches Mäntig worde und mier chönd eusi Beschwerde mit all eusne Unterschrifte ireiche, leider werdemer ufem Weg zum  Gricht vom Mogul gstört. Jetzt stellt sich aber usse, dass de Mogul a allem tschuld isch und somit wird er vom Gricht verhaftet und s`Pfadiheim chan sta blibe. Juhuuu!! Mit grosser Erliechterig machemer eus uf de Heiweg.